المعتقدات السامة
للأسف، لقد وُلدنا ونشأنا على أفكار ومعتقدات، منها ما هو صحيح ومنها ما هو مشوّه ومغلوط، والتي مع مرور الوقت أصبحت جزءًا أساسيًا من تكويننا النفسي. المشكلة تكمن في أننا لا نرى هذا الجانب المظلم من نفوسنا، وللأسف أيضًا ندافع عنه، رغم أنه السبب الحقيقي وراء جميع مشكلاتنا.
للأسف، الكثير من معتقداتنا، وخصوصًا الدينية، مغلوطة أو مبنية على فهم سطحي أو جهل بالدين. من المهم جدًا أن نسأل أنفسنا هذا السؤال قبل فوات الأوان: هل بحثنا سابقًا عن صحة معتقداتنا الحقيقية؟ الحقيقة أن الشيطان زرع هذه المعتقدات السامة فينا تدريجيًا عبر أجيال عديدة، حتى لا يفكر أحد فيها بعمق، ونقول: "لا، هذا كلام الله ولا نقاش فيه."
المشكلة أن هذه المعتقدات تجعلنا نعيش دور الضحية طوال الوقت، وتؤدي إلى جعل علاقاتنا مع الناس علاقات سامة تنهار يومًا بعد يوم. الحقيقة، يا صديقي، أفضل بمليون مرة من الوهم المريح. تعال معي في رحلة صادمة لتدرك كم لدينا في حياتنا من معتقدات كثيرة جدًا هي في أصلها معتقدات سامة.
امثلة للمعتقدات السامة في حياتنا
- انك تعتقد ان عشان تبقى سعيد لازم تحصل على شهاده معينه او وظيفه معينه او مال او زواج ذا اعتقاد سام.
- انك تعتقد ان مستقبلك ورزقك في شغل معين او كليه معينه دون غيرها فده برده اعتقاد سام.
- انك تعتقد ان كل كلام والدك ووالدتك واي شخص كبير في السن هو كلام قديم وان زمانه انتهى وانهم خلاص كبروا وخرفوا خل بالك ده اعتقاد سام.
- انك تستخدم سلطتك كاب باسم الدين وتتحكم في مستقبل اولادك واهتماماتهم وآرائهم وحتى جوازهم ده اعتقاد سام.
- اللي من ساعه ما خلص تعليم وقف قراءه ومعتقد انه كده خلاص اكتفى برحله التعليم ، انه كده تمام لمجرد انه بيادي الفرائض الدينيه ده اعتقاد سام .
- اللي معتقد ان ربنا بيراقبنا طول الوقت عشان يحسب علينا كل غلطه وانه بيغضب وينتقم مننا لما بنغلط ومش فاهم ان غضب ربنا مش من معصيتنا المعصيه مش هتضره سبحانه وتعالى في أي شيء هو سبحانه وتعالى يغضب خوفا علينا من عواقب المعصيه دي علينا احنا شخصيا.
- اللي معتقده ان قضاء ربنا وقدره هو السبب في جوزها الفاشل والسبب في طلاقها والسبب في كل شيء سيء بيحصل لها.
- اللي معتقد ان السحر والحسد والظروف لهم سلطه كبيره علينا ولولا هم لا كان حياته بقت حاجه مختلفه كان ربنا ظلمه وهو الملاك الطاهر ده اعتقاد سام.
- اللي معتقد ان تدهور صحته وامرضه المزمنه هو ابتلاء من ربنا وقدر كل اللي مطلوب منه هو الصبر وجزاؤه هيكون الجنه وهو مهمل جدا في صحته واكله ونفسه من سنين.
- اللي معتقده ان الجواز هو الخلاص من عقليه اهلها القديمه وانها هتموت لو ما اتجوزتش الشخص ده بعينه.
- اللي معتقد ان مراته المفروض عليها تخلف وتربي وتشيل كل شغل البيت وتذاكر للاولاد وهو باشا يرجع من الشغل ما يشيلش حتى كوبايه الشاي من مكانها.
- اللي معتقده ان الاهتمام مش بيتطلب ، لا هو بيتطلب عادي وان زوجها المفروض يعرف كل احتياجاتها ومشاكلها من غير ما تتكلم والمفروض عليه كمان يصالحها حتى لو هي اللي غلطانه لانه هو السبب من البدايه طبعا لانه مش مهتم.
- اللي معتقده انها المفروض عليها انها تتحمل زوج بلا مسؤوليه بلا نفقه او دين او اخلاق لمجرد للحفاظ على اولادها او على مكان يقويها وده من اخطر الاعتقادات السامه خصوصا في مجتمعنا العربي.
- اللي معتقده ان اولادها عاقين بها لمجرد انهم بياخذوا قرارات مناسبه لحياتهم الشخصيه او لانهم بيعاملوا زوجتهم بشكل كويس ومش بيمشوا كلامها لانهم طبعا المفروض انهم يتجوزوا عشان يونسوها ويخدموها.
- اللي معتقده ان حماها وحماتها هم شياطين لمجرد اختلاف العقليات.
- اللي معتقد ان الفقر هو حال الصالحين والانبياء وانه عشان تبقى غني لازم تكون نصاب او حرامي او تاجر ممنوعات.
- اللي معتقد ان الفقراء يستاهلو اللي فيهم بكسلهم فشالهم من دماغه خالص.
- اللي معتقد ان الناس ما فيهاش خير او ما يستاهلوش او انهم اقل منه ونسي اننا كلنا مخلوقين من نفس واحده نسخه واحده وانه لو كان وقع في نفس الظروف ونوع تربية غيره كان ممكن يطلع اسوء منهم بكثير.
الخاتمة
استيقظ يا صديقي قبل فوات الأوان وارجع فلتر وافحص معتقداتك خلي في دماغك ان كل ما تؤمن به عدا الله سبحانه وتعالى قد يكون باطل، استيقظ ومش عيب انك ترجع تصحح كل معتقداتك حتى لو اختلفت مع كتير من الناس ، لأن كتير جدا من الناس محتاجين ايضا انهم يستيقظوا زيك بالظبط.